سوال فى الحب

بسم الله الرحمن الرحيم

االموضوه فكرته سهله وصغنونه وواضحه من العنوان

اكيد كل واحد فينا عنده سوال فى الحب ممكن يبقى عارف اجابته او ميعرفهاش يحب ياخد راى الاخرين فى الموضوع يحب يطرح سواله واللى يعرف يجاوب ......

هبداء انا بالسوال الاول

هل الحب واقع ام وهم ؟

$$الـــــــجـــــ الرايق ـــــــوكر$$

طبعا واقع جدا كمان

الحب هو الحيااااة ومن غير الحب لاتوجد حياة اذا الحب هو الواقع

بس احيا بيبقى وهم بس فى اوقات قليلة جدا



سؤالى بقى ؟ لية الحب؟

اجباتك حلوه ..... وصح

الاجابه على سوالك انتى قولتيها فى اجابتك لسوالى وهو لان الحب هو الحياه ...

فيه حد يرفض الحياه ... وخاصه لو حياه سعيده تحمل كل مانتمناه ونرغب به ..

تحمل وجود الانسان ذاته ..

سوالى بقى

هل الحب معناه ارتباط وزواج .....؟

بص هو لية رأيى اول حاجة

لو الحب دة جواك انت ومش معرفة لحد يعنى حب من طرف وحتى اصحابك ميعرفهوش

فدة مش معناة الارتباط والزواج

انما بقى بين اتنين بيحبوا بعض مثلا فى الكلية ومرتبطين ببعض على اساس ان الحب دة يعيش بينهم

فاكيد دة معناة ان يبقى فى ارتباط وزواج مش معقول هتبقى ماشية معاة او ماشى معاها تسلية

رغم ان فى ناس بتعمل كدة بس دول بيبقوا من الشباب التاكى تاكى هههه

خلينا فى البنات والشباب الجد

اكيد بيبقى جواهم الارتباط

لكن اوحش حاجة فى الدنيا انهم يحبوا بعض ويرتبطوا ببعض بس مش الارتباط الرسمى

ويجى القدر وميبقوش لبعض

معلش انا طولت فى الاجابة

سؤالى بقى ؟

هل لو حبيبتك ماتت لقدر الله هتفضل مخلص لحبها ولا مع مرور الوقت هتنسها وتحب غيرها

اولا ازيك يا هنودة لانك وحشانى اوى

وكمان بسلم على محمود عامل ايه

وبجد فكره جاااااااااااامده اوى

وبخصوص سوالك

اكيد طبعا حاجه صعبه اوى لما حد بتحبيه اوى يتوفى وتحسى خلاص انك مش هتشوفيه

تانى وتخدى فتره طويله اوى على ما تقتدرى ترجعى تانى لحياتك الطبيعيه

وانا شايفه انه لا اكيد هننسى فى وقت ونعيش حياتنا عادى لان الحياه مبتقفش عند حد

واكيد طول ما فى حياه فى حب تانى وتالت ورابع

انا سوالى بقى

ليه الحب دايما عذاب وجراح والم ؟ وليه كتير اوى بيفشل ؟

نورتى التوبيك سوسو

وانا اخبارى تمام الحمد لله وانتى اخبارك ايه ؟

وانا بتفق معاكى فى اجابتك على هند لاننا برده بشر ....والنسيان نعمه من اجل استكمال الحياه .
اما بخصوص سوالك سوسو .....
هو انا بختلف معاكى فى رايك ان عذاب وجراح والم ...لان الصفات دى مش متوفره الا فى الوهم ..كل حاجه فى الحب تعنى السعاده ...الغرض من الحب الوصول للسعاده..استمرار السعاده ......الصفات اللى انتى ذكرتيها تتصل بالوهم مش الحب ...بيخلط الكثير منا بين الوهم والحب لكن ده غير ده مع ان بدايتهم واحده وهى السعاده لكن فى الوهم بتلاقى ان بداتيه سعاده مفرطه وتدريجيا بتقل وبتنكشف الامور ويصبح ملى بالحيره والتردد وتتداخل الاحزان الى ان تصحى على كلمه وداع ....اما الحب فيبداء بالسعاده وتستمر فيه السعاده وتزيد تدريجيا بينهم حتى يصلوا لقمه السعاده وهو تتويج حبهم بالزواج .......
قصص الحب الحقيقى مش الوهم اللى بتفشل بتبقى لظروف خارجه عن ارادتهم وعارفه رغم فشلها الا انهم بيكون عندهم قدر من الرضا ولو بسيط لعلم كل طرف بان الاخر يعيش حياه طيبه .. بيبقى الحزن قليل يتساوى معه الرضا بالواقع .
سوالى انا بقى

انت شايف ان الحب بقى نادر هذه الايام ؟ وليه ؟