مسطول فى امتحان عربى

واحد مسطول سطيـــــــــــــــحه .. دخل امتحان عربي ... جاتله في الورقه :
أعرب الجمل الآتيه :
1- ( سور الصين العظيم )
2- ( مرض جنون البقر )
اخينا تنح شويه ... وبعدين راح قايل ....
اجابة البتاعه الأولانيه :- ( سور الصين العظيم )
سور : هو البتاع اللي بينط من فوقه الحرامي عشان يخش البيوت ويسرق
الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه
العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب
يم : تقريبا والله أعلم ... بحر او حاجه كده
يعني الجمله كلها معناها :------
لما ينط حرامي من فوق سور ... عشان يسرق طقم صيني .... الكلب هايعضه .. في البحر

اجابة البتاعه التانيه :- ( مرض جنون البقر )
مر : دي الحاجه اللي طعمها بيجيب مراره في الحلق .... ويخليك تفصل دماغك قوام
ض : تقريبا حاجه زياده ... شوية حبر في الورقه ولا حاجه ... مالهاش لازمه من الاعراب
جن : اللهم احفظنا من العفاريت والجن والحركات دي يارب ... احنا ناقصين مزاوله
ون : دي اصلا انجليزي ... ومعناها ( رقم واحد ) ... لغات انا برضه
ألب : دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره
قر : ليها معنين حسب الجمله ذات نفسها
المعنى الأولاني : الحسد والقر والكلام ده .... ودي مش راكبه على الحوار بتاعنا
التاني : اختصار لكلمة ( قرنفل ) ... على طريقه المعلم ( رضا ) .... ---> انا باقص الكلا .... الكلام يعني
ودي راكبه في الحوار ده ...
يبقى معنى الجمله دي :-------
المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلايه خلصنا الامتحان بالصلا عالنبي

هههههههههههههههههههه

هههههههههههههههههه


على فكرة الواد دة مش مسطول دة زكى جدا جدا جدا

انا عمرى ما جة فى بالى الاعراب دة لا بس والله جميلة اوى

ههههههههههههههههه
حلوه اوى
جديده دى دا غير النحو كله ولا ايه يا مس هند الكلام دا تبعك برضو

هههههههههههه ايوة ما انا بقول اول مرة اسمع الكلام دة

ههههههههههههههههههههههههههههههههههههههه

جاااااااااااااااااامده جداااااااااااااااااااااااااا

بجد فظيعه حكايه الاعراب دى

ههههههههههههههههه قمه فى الذكاء هو ده فائده انك تكون مسطول ..

نورتوا التوبك ومشكورين على المرور