البنت ملهاش الا بيت جوزها ولا ايه رائيكم ؟

بسم الله الرحمن الرحيم

هو سوال بسيط وواقعى وبيحدث فى كثير من الاسر ...
بس الاول نتكلم شويه عن التعليم ونهايته وروعته وجماله واهميته .....بس للاسف دلوقى لا فيه جمال ولا اهميه ولا روعه للتعليم تكاد تكون قيمته شبه معدومه ...

مش هنسى موضوع جمعيه القليبوبيه عن موتوسيكل بعربيه فول لكل خريج !!! الخريج يتشغل على عربيه فول "مع احترامى له " ومش هنسى كلامى مع خريج علوم وشغال شيال ...ولا كلامى مش خريج تجاره وشغال عجان (مساعد لمبيض المحاره )

يعنى التعليم دلوقتى لا هو مفيد للرجل او المراءه سوى المعرفه فقط ليس من اجل العمل ...
الرااجل بيتخرج مش بيشتغل ولا البنت فلم يعد ضمان للمستقبل ...

دى الاسئله


الكثير من الاسر ترفض تزويج بناتها فى مرحلة الدراسه فالدراسه أولا ومن ثم الزواج .








هل وجهة نظرهم صحيحه ؟؟




أم ان الدراسه لاتمثل عائقا لزواج الفتاه حيث انها تستطيع التوفيق بينهم

هل ؟؟؟



الشهاده الدراسيه اكثر ضمانا لمستقبل الفتاه من الزواج ؟؟

هل الزواج فى سن مبكره السبب لحالات الطلاق حيث يكون الزوجان غير مهيئين لتحمل

المسؤليه وحل المشاكل ،كذلك أنشغال الفتاه فى الدراسه قد يلهيها عن واجباتها اتجاه

زوجها وبيتها ،، فيحدث الأنفصال من أول مشكله أو خلاف..؟؟


$$الـــــجـــــــ الرايق ـــــوكــــــر$$

مشكوره هند على المرور

بس ياترى الشهاده الدراسيه دلوقتى فعلا ضمان !!! ازاى من كثرة فرص العمل التى اصبحت تكاد تكون نادره ؟

اما بخصوص استكمال الدراسه بعد الزواج فده بيرجع لشخصية وطبيعه الزوج انا مثلا معايا زميله فى الكليه حامل وكانت بتيجى الامتحانات

اولا توبك جاااااااااااااامد

اما بخصوص الاسئله



الكثير من الاسر ترفض تزويج بناتها فى مرحلة الدراسه فالدراسه أولا ومن ثم الزواج .

هل وجهة نظرهم صحيحه ؟؟

ايوه وجهه نظرهم صح انا شايفه ان البنت تتعلم الاول زى ما هند قالت عشان تبقى

برضو ليها قيمه فى الحياه عموما وكمان الزواج بدرى انا مش معاه حتى لو فى الكليه

لان الزواج دة مسئوليه كبيره جدا جدا مش سهله


أم ان الدراسه لاتمثل عائقا لزواج الفتاه حيث انها تستطيع التوفيق بينهم

لا زى ما قولت صعب جدا توفق بين الاتنين الدراسه والزواج ومسئولياته

لكن فى ناس ممكن تقدر توفق بينهم دى قدرات بس صعب جدا

الشهاده الدراسيه اكثر ضمانا لمستقبل الفتاه من الزواج ؟؟

هى بتضمن ليها اه مستقبلها بشهادتها تقدر تشتغل وتصرف على نفسها

وكمان يبقى ليها ذاتها فى المجتمع وقدام الناس

اما الزواج هوكمان يضمن مستقبلها بس ممكن فى لحظه يتهدم الزواج لاى سبب

لو ممعهاش شهادة ساعتها او مش متعلمه اكيد التعليم بيفدنا برضو غير الشغل

فى معلومات برضو بنكتسبها من دراستنا اى كانت بتفيد فى الحياه



هل الزواج فى سن مبكره السبب لحالات الطلاق حيث يكون الزوجان غير مهيئين لتحمل

المسؤليه وحل المشاكل ،كذلك أنشغال الفتاه فى الدراسه قد يلهيها عن واجباتها اتجاه

زوجها وبيتها ،، فيحدث الأنفصال من أول مشكله أو خلاف..؟؟


ايوه صح الزواج فى سن مبكر اكيد بيعمل مشاكل كتير تودى للطلاق

لانهم مش هيبقى عندهم عقل ناضج تماما او تجارب فى الحياه او يكونوا اتعلموا من

ناس تانيه فاهم قصدى ايه اكيد دة كله بياثر ويودى للطلاق

يا جوكر اللى بيدور على الشغل اكيد هيلاقى مش لازم يشتغل بالشهادة بتاعتة ممكن اى شغل تانى يقبلة وبردوا الشهادة هتنفعة عشان اسمة مـــــتـــــعــــلـــم

وبردوا فى وظايف بالشهادة اللى انت وخدها بس الناس مبتدورش

اما بخصوص طبيعة الزوج فدة ناااااااادر جدا

انا مش بقلل من شان التعليم المصرى هو اى نعم لا يفيد بشى بس مهم هو المدرسه اصبحت معدومه الدور بس مهم برده هو الكتب الدراسيه لا تناسب الواقع الحالى بس مهم برده هو فيه عدم اهتمام رياضى او ثقافى بس مهم برده .

التعليم مهم وضرورى ومش هنكر دوره او اقلل من قدره ولازم النت تتعلم بس لو هتقدر توفق بين البيت والدراسه وده بمساعدة زوجها يبقى ايه المانع .

اما بخصوص الوظائف هقولك على حاجه معايا انا فى الشغل لما بتكلم مع الناس كلهم خريجين كليات ... حقهم انهم يتشغلوا فى مجالهم وبقدرهم جداا علشان مستنوش فى البيوت ...
بس انا اقصد ان التعليم ثقافه للذات مش اكتر وصعب يكون ضمان للمستقبل ,.

مشكوره سوسو على المرور

ورائيكم واحد ........

انا بتفق معاكم فى بعض الاراء بس بختلف ايه المانع انها تتجوز وتكمل . هى مساله اراده وتوافق ...لو هيقدروا يوفقوا ايه المانع ؟