كن مرايتك

بسم الله الرحمن الرحيم

مفيش اصدق من الانسان عندما يتحدث عن ذاته ...وخاصه عندما يتحدث لذاته

ممكن صاحبى واعز صديق عندى عندما يتحدث عنى يبالغ فى حديثه وقد يكون السبب هو حبه ليا ..
وفيه انسان تانى قد يتكلم عن بشر فى غيابى والسبب هو كره ليا
ولما يتحدث عنك والديك بيككون فيه قدر من التفاخر فى الحديث ...
ولكن عندما تتحدث عن نفسك لنفسك فلا اعتقد ان يكون هناك من اصدق منك .

االموضوع فكرته بسيطه جداا

كل واحد فينا هيكون مراية نفسه يمعنى ان كل واحد فينا هيتكلم عن نفسه بصراحه زى ماهو شايفها ....وشايف مميزاته واخطاوه وازاى هتيجنبها

$$الـــجـــ الرايق ـــــوكر $$

فكرة حلوة
بس احيانا لما حد يطلب منى اوصف نفسى اقول اخطائى ويسكت ولما اجى ناحيه الحاجات اللى شايفه انها حلوة فيا بيقولوا غرور

لا يا ميرو دةمش غرور دى ثقة بالنفس

انا بقى عيوبى الطيبة زيادة عن اللزوم

صوتى عالى

بامن للناس بسرعة جدا

اما المميزات

فالطيبة بردوا

لان الطيبة اليومين دول بقت عيب وميزة

بخلص لاصحابى اووووى

بديهم كل اهتمامى وحياتى

وبقرب الناس لية بصرعة وبخليهم يثقوا فية بردوا بسرعة

الضحك

مشوفتش منك اى اهتمام

نعممممممممممممم يا اختى اكيد دى تريقة

بقالى سنه مشوفتكش فين الاهتمام بقى

ممكن انت تسألى عنى

لان الواحد لما بيبعد عن حد ويعوز يشوفة هو اللى بيسأل علية

يعنى انت اللى بعتى فجأة يبقى انا اللى اجى اسال عنك ولا انت اللى تيجى تسألى عنى

دة لو فعلا عايزة تسألى

بعت ايه بس
انتى اصلا كل شهر تغير رقم موبيلك ولا حد بيشوفك ولا بيسمع عنك حاجة ولما بسأل اى حد ....... محدش بيعرف حاجة
انتى اللى اختفيتى فجأه وبعدين لو حتى احنا مسألناش انتى تسألى ما هو دا الاهتمام يا مس هند

اوك يا مس مروة

هههههههههه هو انتم على طول كده يمين شمال ...

بصى Princess Mero مع الاحترام للناس فى كل حاجه ورائيهم اوكى مهم بس مش فى كل حاجه غالبا اهوائهم بتسيطر عليه اتكلمى عن نفسك زى مانتى شايفاها بغض النظر عن رد فعل الناس ايه محدش هيعرفك اكتر من نفسك .

اما عاشقه فالطيبه مش عيب والانسان الطيب مش ضعيف بالعكس قوى ولكن اذا اراد ولكن الطيبه اذا زادت عن الحد بتبقى سذاجه والانسان الساذج ضعيف لكن الطيب قوى
(اتمنى متزعليش من كلمه سذاجه ) انتى كمان اتعاملى بطيبتك ولكن بحد معين متحاوليش تتخطيه او تتنازلى عن طيبتك وعاملى الاخرين بكل طيبه ومتنتظريش رد فعلهم لانك قويه بطيبتك ومش محتاجه رائيهم .